تنويه

تم الإنتقال إلى المدوّنة الجديدة لو كويت Le Koweit

الأربعاء، يونيو 16، 2010

واحد تحت الصفر !



 

كنا نشاهد مباراة البرازيل وكوريا الشمالية ضمن نهائيات كأس العالم، حينما قال المعلق أن الجو هنا بارد جداً مما يجعلك ترتدي ثلاث معاطف فوق بعض !

وبعد أن بحثت في الإنترنت عن درجة الحرارة في مدينة جوهانسبورغ التي كانت تقام فيها المبارة، وجدتها 1- (واحد تحت الصفر)... فأغلقت الصفحة وأخذت شهيقاً عميقاً ثم أطلقته بسخونه وأنا أقول ..... "يا حظهم".


فبينما نحن ننشوي ونتحمش على الراحة في هذا الجو الشوائي بدرجات حرارة تصل إلى 56 ونحن لازلنا في منتصف شهر يونيو، فهناك في جنوب أفريقيا يتنعّمون بدرجات حرارة تحت الصفر، قد لا تكون نعمة بالنسبة لهم، بل هي نقمة بالتأكيد عليهم، ولكنها بالنسبة لنا ستكون نعمة النعم.

لكن الحمدلله على كل حال، اللهم لا اعتراض.



عموماً، صحيح أن بحثي عن درجة الحرارة في تلك الدولة لم يزدني إلا حسرة وقهر، ولكنه أفادني بمعلومة جداً رائعة أحبب أن أشارككم بها.

إذا أردت أن تعرف درجة الحرارة أو حالة الطقس الآن في أي مدينة في العالم، ما عليك إلا أن تدخل قوقل وتكتب في خانة البحث اسم المدينة -بالانجليزي طبعاً- وتعقبها بكلمة temprature أو weather وستظهر لك درجة الحرارة وحالة الطقس لليوم وللأيام القادمة ... كما بالصور.







انشالله بس تكون الحركة جديدة ومو قديمة وأنا آخر واحد يكتشفها :)





حقوقي،

هناك 18 تعليقًا:

غير معرف يقول...

على كثر ما حصلنا برد بالشتا على كثر ما راح نحصل حررر وقتّه ولاهوووب ورطوووبة وغبآآآر وووو كل شي مناقض لاجواء الدول الاجنبية البآآآآآآردة

بس الصراحة بالنسبة حق السنين اللي طافت ترى وايد اهون ،لانه قبل كان من شهر 5 تقريبا يبتدي الحرررر عندنا..بس هالسنة لي شهر 5 ويطق مطر !!يعني حده زين

بس انا معاك ولا مرة وصلت درجة الحرارة لي 56 :$

بس شنقول على الكورس الصيفي ..صج الله يعييييييين :(

>>والله انا عندي اقتراح حق الدوام بالصيفي ..ليش ما يسوون الدوام بعد المغرب يعني مثلا بعد الساعة 6 المغرب تبتدي المحاضرات ،على الاقل اهون من النهار والشمس فوق روسنا عامودية وخصوصا للي ماخذين مواد الساعة 1 بعز القايلة :$

شكلي بحط هالاقتراح بصندوق الشكاوي اللي عندنا بالجامعة D:


قواك الله حقوقي :)

ebreeq يقول...

حتى قوقل طلع يكذب مثل ساعة برج التحكم


يقولك باجر 48 ، ماظني

اليوم الحرارة 52 بالسيارة وعلى البرج 48


الله يعين



عليك في بريد أبو ذهب
يمدحونه :)))



مودتي

العلم نور يقول...

أرجوا المساهمة في دعم الحملة لو تكرمتم

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي أعقل مجنونة في الوجود .. ويكتبون فوقها ..

(حملة الجـسد الواحـد)

رابط المدونة

http://dndanh111.blogspot.com/2010/06/blog-post_14.html

جعله الله في ميزان حسانتكم .. آمين

Sami يقول...

صباح النور و السرور

عجبيني تعبير " الجو الشوائي " ..الله يرحمنا برحمته

le Koweit يقول...

غير معرف/

والله خوش اقتراح الصراحة
لو يطبقونه والله يصير الصيفي عليه دوس اكثر من الكورس العادي
لوووول

حياج الله :)

le Koweit يقول...

ابريق/

لوووول
برد بو ذهب وين يلحق بالهجو @_@
خلها على الله بس


حياك الله :)

le Koweit يقول...

ام الخلود/

جزاج الله خير !

le Koweit يقول...

سامي/

ودي اقولك صباح الورد .. لكن الجو مو مال ورد يمعود
بقولك صباح الحر لووول


الله يعين بس،


حياك الله

الوحده الوطنيــــه يقول...

حقوقي العزيز

اليوم رابع من القيظ الصجي .. تو الناس :)
لازم نتأقلم و نشوف اهلنا قبل اشلون عايشين ..
ماكو شي تغير .. الحراره بالمعدل .. بس يمكن
زادت عن اول درجه درجتين .

الجودي يقول...

الله يهنيهم و يبارك لهم ...

ويرزقنا الجنة يارب

:/

غير معرف يقول...

مساا الحر والغبار

لا واحد تحت الصفر مانتحمل

على طول صخونه وعيالنا تلتهب صدورهم

صج الكويتيين فقارنيين برد لووووول

احنا قنوعين نبي تكون درجة الحراره

تكون بالثلاثينات ؛)

le Koweit يقول...

عاضة/

على قولتك تو الناس @_@
الجاي اكبر والله يستر


حياك الله

le Koweit يقول...

الجودي/

آمين يارب العالمين


حياج الله

le Koweit يقول...

لوير/

مساء الجو المادري شلون قايل :>

لوول اي والله فقرانين برد
لو يصير جان انام داخل الثلاجة من الفقر اللي فيني
لووووول


حياج الله

enter-q8 يقول...

عادي الكويت تمتاز باربع فصول بيوم واحد
و اما عن الصفر اللي حاسدهم عليه
فيا كثر الاصفار اللي يسبقها رقمين او ارقم طارت و مازال البحث عنها جاري عندي جاري

le Koweit يقول...

انتر-كويت/

بو وليد !
هذي والله الساعة المباركة اللي شفناك فيها :)

على قولتك والله اربع فصول بيوم واحد
جونا مزاجي
يعني عادي الصبح الجو حلو والعصر يقلب رطوبة والليل غبار
طبييييييعيييييي :)
بس اي اصفار تقصد؟؟ الملايين ؟ :>


حياك الله يابو وليد،
وترا من طول الغيبات جاب الغنايم
اشقتنا حق بوستاتك الحلوة ودنا ترجع :)
ونورت المدونة :>

Crazy Girl in aGood Way يقول...

اعرف وحده كانت بالنمسا واتصلت علي

تقول الدرجه 2تحت الصفر

انتي شلون مستحمله هالبرد ؟؟

قلت 2 تحت الصفر دفى

ماجربتي 18 تحت الصفر ماتقدرين تتكلمين لوووووووول


حاليا الدرجه 12 :)

le Koweit يقول...

كريزي/

18 تحت الصفر !!
اوووله قاعدين بالاسكيمو لوووول
لا يمعودة

بس تصدقين ارحم من الحر والرطوبة والغبار P:


بس 12 جدا حلوه يا حظكم << ترا مو قاعد احسدكم
يعني لو تغير الجو انا مليش دعوة P:

حياج الله كريزي، نورتي المدونة