في إستجواب النائب علي الدقباسي لوزير الإعلام ، طلب الدقباسي عرض فيديو على شاشة المجلس يخص الوزير ، ولكن رئيس مجلس الأمة جاسم الخرافي -اللي كان يجاهد لإفراغ الإستجواب من محتواه- رفض عرض الفيديو ، ورفض عرض أشياء أخرى رغب النائب المستجوِب عرضها ، وما كان من بو سالم إلا أنه إستجاب لأوامر الرئيس الـ"مو كفو" .
عموماً ، لن أطيل ، فهذا الفيديو الخاص بلقاء وزير الإعلام مع قناة سكوب قبل فترة ، واللي قال فيه كلام المفروض ما يصدر حتى من مسؤول حكومي عادي ، فما بالكم بوزير يمثل الحكومة !
الإستجواب له سعر ! ورفع الصوت في الجلسة له سعر !
عيب والله عيب يا معالي الوزير شخليت حق عامة الناس لما انت تقول هالكلام !
وللأسف أكثر إنه وزير يمثل الحكومة يرضى يطلع على قناة مثل سكوب !
أعتقد الحين عرفنا ليش السيد رئيس المجلس المحترم رفض عرض هالفيديو ... لأنه مو بصالح الوزير .
أعتقد الحين عرفنا ليش السيد رئيس المجلس المحترم رفض عرض هالفيديو ... لأنه مو بصالح الوزير .
حقوقي ،
هناك 12 تعليقًا:
السلام عليكم
برأي اذا كان (وحط تحت كلمة كان خطين) كلامه صحيح
فا اعتقد فيها شي ... ولا خايفين على
المستجوبين من الفضايح يعني وكشف المستور ...
والوزرا بالطقاق ولا شنو ....
وعلى فكره ترا مو سهله ان وزير يقول هالكلام على
مسمع الشعب إلا وهو عارف شيقول :)
وبالنسبه للموضوع ف أنا مثل ما قلتلك اتكلم فيه من
منظور عام وهذا راي فما ردك اخ حقوقي
وشكرا
سواء كلامه كان صحيح او غير صحيح مو اهني المشكلة
المشكلة لما وزير يقول مثل هالكلام
وبعدين مافيها منظور عام او خاص
الوزير كل كلمة يقولها محسوبة عليه
لانه يمثل الحكومة
وشلون يتبلى عالنواب بدون دليل ؟
شنو سعر ومادري شنو ؟
اذا وزير ما يعرف يضبط كلامه فـ شلون يكون وزير ؟
انزين انا اسألك الحين ليش حلال على النواب انهم يتكلمون بكل ديموقراطيه واذا جو يدافعون الوزرا عن نفسهم قلتوا لا ممنوع وما يصير ومعرف ايش ؟؟؟؟ يعني الحين النائب ما يمثل الدوله ويمثل الشعب ؟؟ بعدين ليش انت واثق انه يتبله عليهم ؟؟ اتمنى ان تكون عادل في إصدار الحكم قبل ان تتبلى عزيزي حقوقي على اي احد كان
وصدقني انا ب هالمناقشه ما اقصد اني صاف مع الوزير ولا النواب ولا لمجرد المعارضه لانه حالهم جميعا مو عاجبني وانا معاك انه اللي قاله مفروض ما ينقال
لكن مثل ما قلتلك هذي ضريبة الديموقراطيه ...
خذ وهات يعني ...
وشكرا مره اخرى...
مقهوررررررررررررررررررررررررررررررررررررر :(
لكن النواب لما ينتقدون ويهاجمون يقدمون ادلة
يقدمون اوراق ، تقارير ، اشياء تثبت كلامهم
اما معالي الوزير قاعد ابرنامج فاشل في قناة منحطة
يسولف ويقذف التهم جزافا بدون دليل ؟
لو كان عنده دليل جان قدمه بالاستجواب ؟
مو كان راح يكون بصالحه لما يقدم دليل على كلامه ؟
كان راح يكسب اصوات النواب المؤيدين بهالدليل "لو" كان عنده
عدل ولا لا ؟
اتوقع صعبه يقول الدليل لانه اعضائنا مشاء الله عليهم محصنين نفسهم وعلى قولتهم لعبوها صح :)
بس على كلامك جنك تقولي انك شايف الفيديو وعارف شلي فيه ؟؟
اذا عندك فكره شلي بالفيديو ياليت تفيدنا :)
وشكرا مره ثالثه
تحياتي
وشكرا
دام لعبوها صح على قولتك
لا يرمي التهم جزافا :)
بس عفوا ما فهمت
شنو الفيديو اللي افيدك فيه ؟
هالايام ما تدري منو الصاج ومنو الجاذب و بالنسبة لي المجلس مسرحية وحنا الجمهور ونفس المشاهد والاحداث تتكرر لكن الممثلين يتغيرون
تحياتي ;)
مشاري السندي
تدري شنو المشكلة اخوي مشاري
ان كثير من الشباب تشاءم من المجلس ومن العمل الديمقراطي ..
لكن هذا غلط
صح فيه جذابين وفيه فساد
لكن للحين في خير
وهذا دورنا وهذا جيلنا اللي لازم نكبر هالخير :)
قواك الله ،،
انسى حقوقي :)
لا لا ما راح انسى
ما يصير ابدا نقول هالكلام
هذي ديرتنا لازم نعمرها
ولما نشوف الغلط فيها لازم نصلحه
والحين دورنا احنا جيل الشباب
مهما كانو اللي قبلنا خربوا بالديرة
لكن ما عليه احنا بالهمة والتفاؤل راح نصلح كل شي
والحمدلله والله في مؤشرات تبشر بالخير
في نواب بالمجلس شريفين للحين
في شيوخ كثر للحين حريصين على البلد
في كتاب وفي صحف وفي في في في الكثير
احنا متشائمين فما نرا الا السواد
لكن لو نتفاءل راح نشوف البياض والجمال :)
تفاءل بس ..
والله انا اقول التفائل زين والامل موجود ان شاءالله ف عندكم مثلا:
اليابان جميعنا يعرف فبعد تلك القنبله التي سقطت
عليهم فكانت مدمره تقريبا ولكن لننظر انهم لم يلتفتوا الى الجانب السيئ وكان عندهم امل للبقاء وما اذهلونا به الان من اختراعات لقد جمعوا الحديد ولنقول باالاحرى الخرده وكونوا مصانع واصبحوا
رواد الصناعه في العالم الحديث صنعوا انفسم من لا شيئ....
استمروا وحاولوا دائما وحققوا انجازات عظيمه ولم ينظرو الى نصف الكوب الفارغ واصبحت اليابان رائده الصناعه في العالم...
اعتقد او قد يعتقد البعض ان احيانا لا يجب ان تكون نظرتناالى الجانب الفارغ نظره سوداويه فمهما كان الظلام دامسا في حياتنا ووطننا فسنجد ثغره ينبثق منها الضوء
وينير ذلك الظلام ف غالبا ما ننظر الى الجانب السيئ
بالرغم لو اننا امعنا النظر لوجدنا ان هنالك جانب مشرق وفيه
الكثير من الخير
فالبعض منا اذا اصابته مصيبه يظن انها نهايه العالم وبالرغم
ان ما اصابه قد يكون خيرا له
واخيرا
لتكن نظرتنا الى وطننا الكويت الحبيبه نظره تفاؤليه دائما
ارجو اني وفقت في الطرح
شاكرلك اخي حقوقي على المجهود الطيب
واختم بقول الشاعر....
(ضاقت فلما استحكمت حلقاتها فرجت وكنت اظنها لا تفرج)
تحياتي للجميع Mr.FreeDoM :)
مستر فريدوم /
طرح أكثر من رائع ،
وكلامك كله صحيح والله
واليابان ضربت أروع الأمثلة في التفاؤل
اتمنى اننا نحاول على الاقل نقلدهم
نقلدهم باالتفاااؤل بس على الاقل :)
اشكرك كل الشكر ، وفقت عزيزي :)
منوّر
إرسال تعليق