.
شركة زين ... أو أفضل أسيمها عصابة زين ، لأنها فعلاً عصابة ..
لها أفرع في كثير من الدول العربية والافريقية ، وحسب ماهو معروف ،
انها تجتهد في توفير أفضل وأرخص الخدمات لعملائها في الدول الأخرى ،
عكس ما تقدمه من خدمات لعملائها من بني جنسها ... الكويتيين
من خدمات غااالية ...
.
أنا مو من عملاء زين -ولله الحمد- ، لكن سمعت كثير من الشكاوي و"التحلطم"
من عملاء زين المساكين وما يعانونه من شفط لفلوسهم بحق وبدون حق
.
وصلتني معلومات من فترة ، ان تقريبا بمعدل 70% من أرباح زين ،
تأتي من الكويت فقط ، أما بقية الأرباح تأتي من الدول الأخرى ..!
.
مع ان عملاء زين بالكويت ما يمثلون الا نسبة قليلة جدا جدا من عملاء زين في باجي الدول ،
شلون تنحسب هذي مادري !!! حاولوا احسبوها ؟؟؟
.
ووصلتني معلومات جديدة ان زين قاعد تتلاعب في فواتير العملاء ،
وقاعد تحاول تزيد دخلها قد ما تقدر في الفترة الأخيرة ،
لأنها -والعهدة على الراوي- تنوي بيع الشركة لملاك آخرين ،
وبالتالي تريد رفع أسهمها فوووووق قبل البيعة ،
عشان تصير أسهم الشركة بالعلالي ... وتطيح ببطونهم .
.
وكل هذا شلون راح يصير ؟ هالخطة المحكمة شلون راح تطبق ؟
.
أكيد ما يبيله كلام ...
من فلوس المواطنين المساكين ... عملاء زين الكرام .
.
.
زين ... عالم جميل .. من فلوس العملاء المساكين .
.
حقوقي ،
هناك 3 تعليقات:
ذا شي طبيعي يحصل بالكويت أولاً الناس ياخذونها مظاهر و اخر الشهر مفلسين :) هذي شغلة و الشغلة الثانية عشان لم يسأل الواحد انت شنو خطك من وين يقول والله من زين واهي اصلاً شين والحمدالله اللحين كل اللي بالبيت يستعمل وطنية ارخص واحسن و من باعوها على القطريين واهي من احسن لأحسن خصوصاً خدمة ماكس اكسبرس مرات يحوشني بونص عشر دنانير حلوة حيل و تطول عندي وطبعاً زين دينار واحد مافية باح :) والمشكلة ان التجار هني اهم اللي يتحكمون وهذي مشكلة نعانيها ماكو حد لهم والمشكلة الثانيه انهم يبلعون وما يسون شي للديرة لا مستشى ولا مبنى خدمات الا اللي بنو مستشفيات و جزاهم الله خير اللي اهو مستشفى مكي جمعة و مستشفى البحر للعيون والباقين وينهم؟ والهند مثلاً تجاراها الله يبارك فيهم و يزيد من اموالهم يبنون مشاريع بديرتهم للجميع من هنود مسلمين او هندوس او مسيحين يعني تجارهم ماشاء الله عليهم على ايد وحده ما تفرقهم ديانة وعلى قلب واحد ,, عموماً احسن حل تروح اقرب محل تلفونات اشتر خط وطنية والشين سكرة وعشت حقوقي
مشاري السندي
واحد اعرفه موظف بهالشركه وسالته شنو اكثر الشكاوي الي توصل لك والناس يقولونها لك ، قالي يقولون لنا انتو بواقين وحراميه ، سالته مره ثانيه صج عاد انتو تبووقوون ؟
رد علي اي ساعات !! LOL!
زين ... عالم جميل .. من فلوس العملاء المساكين .
هههههه أضحكتني كثيراً جملتك الاخيرهـ اخوي حقوقي .. وصحيح ( شر البلية مايضحك)
بس هم ارجع واقوول المواطن مقصوص عليه بأكثر من مكان والمسكين على بو فهيم ويعرف بالشركات تغريه العروض ويصبح ضحية للاعلانات مو بس زين لا فيفا كمان والله يستر من شركتنا الغاليه الوطنيه لا تخربها وتلحقهم :( ؟؟..
إرسال تعليق