.
.
كلنا نعرف هذه المسرحية ، وكلنا شاهدها عشرات المرات ، لكن تعالوا نشاهد هذا المقطع ذو الـ 10 دقائق ... خنشوفه مرة ثانية بتمعّن .
تكلمت "أم علي" الفنانة انتصار الشراح في هذا المقطع عن الأوضاع الصحية السيّئة في البلد ، وانتقدت الأوضاع انتقاد لاذع وبشدة .
تكلمت عن قلة عدد المستشفيات ، وعن رداءة وقِدم المستشفيات ، عن رداءة الأدوية ، عن الأخطاء الطبية ، عن العلاج بالخارج ، عن قلة عدد الأسرّة في المستشفيات ، عن نوعية الأطباء "اللي ما يفتهمون شي" ... تكلمت عن الكثير وانتقدت الكثير في الأوضاع الطبية .
هالمسرحية سنة 1993 ، وشوفوا احنا الحين بالـ 2010 ... قولولي شنو اللي تغيّر من ذيج السنة للحين بأوضاعنا الطبيّة ؟
طووط طووط طووط .. خربوووتة
حقوقي ،
هناك 10 تعليقات:
هههههههههههههههههههههههههههههههههههههه
فعلا شر البلية ما يضحك
ولا كأن المسرحية صار لها 17 ســــــــــــــــــــــــــــــــــــــــــــــــــــــــــــــــنــــــــــــــــــــــــــــــــــــــــــــــــه
والله اللي يسمع هالكلام
يقول هالكلام توه قايلينه امس :)
ما يدري انه صارله 17 سنة
وما تغير شي !
ولاراح تتسنع الديرة
دام مثلك وشرواك من العقد والمزدوجين فيها
وشلون حكمت علي اني مزدوج ؟
هل حب الكويت يعتبر في معاييريك "المعوقة" ازدواجية !؟
عموما أنا ما انزل مستواي وأجادل شخص سفيه مثلك
وكما قال أحد الحكماء يوماً
لا تجادل الأحمق فقد يخطئ الناس في التفريق بينكما
مرحبا عزيزي!
خلك من مسرحية إنتخبوا أم علي...
وإجع طالع مسرحية حامي الديار
اللي عرضوها لأول مرة قبل 27 سنة
وقول لي شنو الفرق بين ذاك الوقت و وقتنا!
تقبل تحياتي
السنين تتغير و النفوس ماتغيرت
بلو /
مسرحية حامي الديار اتذكر شفتها وانا صغير
ما اتذكرها بالضبط
لكن اتذكر ان معظم القضايا اللي تناولوها بالمسرحية
تتكرر اليوم .. وكأن التاريخ يعيد نفسه
سأشاهد المسرحية مرة اخرى ..
لأني من زمان مو شايفها :)
حياك الله ،، منور
طموحة /
عدل كلامج والله ..
جان زين على الأقل النفوس ما اتغير واتم على ما اهي
لكن للأسف .. انها قاعد اتغير للاسوأ ..
حياج الله :)
واحنا على طمام المرحوم هذا اللي يبونه
شعبي /
صاج والله .. في ناس عاجبهم هالوضع
ومستفيدين منه ...
إرسال تعليق