.
أصدرت اليوم وزارة الإعلام بياناً ، قرأته في الصفحة الأخيرة في جريدة الوطن ،
تبرر فيه سبب إيقاف برنامج صوتك وصل ، وبررت ذلك بأنها تطبق القانون ،
وأن البرنامج خالف قانون المرئي والمسموع .....
.
.
شدعوووة يبا الحين صايرين حريصين على القانون ؟؟
جم قانون بالديرة مو مطبق ؟ جم قانون كان مصيرة بالأدراج ونسيتوه ؟
.
ولا عشان البرنامج قلدكم و"ضغطكم" رحتوا وقفتوه بحجة تطبيق القانون ؟
.
اذا على قولتكم تطبقون القانون فياريت تطبقونه صح ،
لأنه ما يجوز الإزدواجية والإنتقائية في تطبيق القانون ... فهذا مخالف للقانون اللي تتحججون بتطبيقه
.
.
وفي نفس البيان ، قالت الوزارة أنها أحالت 18 مسلسل وبرنامج آخرين ،
يبثون على قنوات فضائية كويتية ، أحالتهم إلى النيابة !
.
مادري هل يقصدون بهالكلام يكحلونها يعني ؟ ولا يعمونها ؟
.
18 مسلسل إلى النيابة ؟ وييييه شادين حيلكم هالسنة يبا ...
.
هذا اهو تكميم الأفواه بعينه ، وهذا اهي كبت الحريات بنفسها .
.
والله ياخوفي اذا سكتنا ، باجر تصير القنوات ما تبث
إلا ألوان الطيف .....
.... وصوت "تششششش" مثل ما قال فؤاد الهاشم .
.حقوقي ،
هناك 6 تعليقات:
بالنسبه لي فاانا اشوف ان هالقرار فيه شي من الصواب لانه وبكل صراحه في مسلسلات تعدت الذوق العام من خلال طرحها للمواضيع الهابطة وتشويه سمعت البلد............................. ولكن بنفس الوقت هناك مسلسلات انظلمت وذلك على اساس انها تتعارض مع مصالح البعض..
>>> طبعا من محبين مسلسلات قبل .. D:
شاكرلك عزيزي ..
Bo-HaDi
هالقرار فيه ظلم و صواب بنفس الشي يعني المسلسلات اللي طافت كلها عطت فكرة جداً سيئه عن الكويت فمثلاً اخوانا الخليججين والعرب علبالهم ان الكويتيين كلهم خايسين و معدومين الاخلاق ومتى يثبتله العكس لم يزور الكويت غير جذي ماكو فا اتمنى يكون في عدل وماكو السالفة فيها عشان فلان وعلان و دمتم سالمين
اخوك: مشاري
مثل ما قلتوا اخواني ، هناك مسلسلات مسيئة ،
وتستحق الأيقاف نعم ، لكن يجب ألا توقف ،
يعني أتوقع النقد في الجرايد ووسائل الإعلام المتخلفة ،
بيكون عقاب كافي للمسلسلات المسيئة ،
أما الإيقاف فهذا شغل دولة بوليسية وشغل خذوه فغلوه ،
مو شغل ديمقراطية ودستور ودولة قانون
حياكمـ الله :)
عاد الله والمسلسلات كلها طنازة وما منها فايدة :) سواء ردت او لا مجرد تسلية وياليتهم يتكلمون بمواضيع مفيدة فا خلها توقف عشان يكون عندنا وقت اكثر نشوف مسلسلات اكثر ههههههههه و مشكور
اخوك مشاري السندي
للأسف هناك من يدافع من نواب الامة عن ، برنامج يسييئ لزملائهم النواب الآخرين و اللي ما مسهم شي فما راح يحسون بالإهانه مثل غيرهم ،،،
عيب عليهم برنامج ينقد زملائهم يردون على هالقرار جذيه،،،
بعدين أنا أستغرب تحرك جريدة الوطن بهالشكل الرهيب مع قناة سكوب اللي كلنا نعرف دورها المخزي و من يدفع لها...
وبالعكس القرار صائب هذول رموز دولة وتقليدهم بإسلوب رخيص أمر مشجوب و بشدة و لا حظنا كيف قلدوا السعدون بإسلوب التجريح هو وهايف ،،،
لو كان نقد هادف مثل مسلسلات أخرى مثل بو قتادة وبو نبيل جان قلنا زين بس شدعوه هاذا إسلوب رخيص و قذر ...
ومجمع ممثلين صف ثاني بعد يبا إذا لهم حق عندهم القضاء و خل يرفعون قضية وأنت أبخص يا حقوقي بنزاهة قضاءنا،،،
شا كر لك ...
al-fargad
بسم الله الرحمن الرحيم
اضم صوتي لصوت اخوي الفرقد
مسلسل صوتك وصل للأسف برنامج تجريحي
للاشخاص بعينهم، وهذا ان دل دل على
سوءاستخدام الديموقراطيه والحريه المتاحه للكويتين فلكل شيء حدود،
لكن لم يراعي معد هذا المسلسل هذه الحدود
فالايقاف هو اقل جزاء له والقضيه ستكون بيد النزاهة القضائية الكويتية المعروفه ..
فأنـا أأيد وبشده ان يتم ايقاف كل شخص يتعدى حدوده ورفع يد القضاء والفصل بينهم ...
اخوك : سلمان المشاري
إرسال تعليق