اليوم البوست اكتبه من التلفون فما راح اطول وبعطيكم الزبدة.
تونا ما دخلنا في الصيف وما زلنا في نهاية شهر ٥، وشوفوا شنو اللي حصل ....
الكهرباء امس مقطوعة من اول الصبح وما رجعت الا الظهر.
الماي اليوم مقطوع من الصبح والى لحظة كتابة هذه السطور لم يرجع.
اتوقع الأخوان في دولة موزنبيق الصديقة لا يحصل لهم مثل ما يحصل لنا اليوم (طبعاً أنا أتكلم عن نفسي وعن شارعنا تحديداً).
تكلمنا لين زهقنا والله من الحجي، التبرعات بالملايين للدول نن أجل بناء محطات كهرباء واحنا محطات نفس الأوادم ما عندنا !
وين راحت الـ٣٧ مليار ؟!
احنا ما نعترض على التبرعات -من ان مالها معنى- لكن اول سدوا حاجة الشعب صاحب هالفلوس، وثانياً تبرعوا لدول تستاهل مو ناس تعطونهم اليوم وباچر يسبونا ! ( وهذا موضوع ثاني )
ما عليه يمكن هالبوست كان بالعامي وما وفيته حقه لكن من حر مافيني .... مواطن في دولة الكويت اللي تعد من أغنى الدول .. عايش بدون ماي وكهرباء كأني بموزبيق !
حقوقي،
- Posted using BlogPress from my iPhone
تونا ما دخلنا في الصيف وما زلنا في نهاية شهر ٥، وشوفوا شنو اللي حصل ....
الكهرباء امس مقطوعة من اول الصبح وما رجعت الا الظهر.
الماي اليوم مقطوع من الصبح والى لحظة كتابة هذه السطور لم يرجع.
اتوقع الأخوان في دولة موزنبيق الصديقة لا يحصل لهم مثل ما يحصل لنا اليوم (طبعاً أنا أتكلم عن نفسي وعن شارعنا تحديداً).
تكلمنا لين زهقنا والله من الحجي، التبرعات بالملايين للدول نن أجل بناء محطات كهرباء واحنا محطات نفس الأوادم ما عندنا !
وين راحت الـ٣٧ مليار ؟!
احنا ما نعترض على التبرعات -من ان مالها معنى- لكن اول سدوا حاجة الشعب صاحب هالفلوس، وثانياً تبرعوا لدول تستاهل مو ناس تعطونهم اليوم وباچر يسبونا ! ( وهذا موضوع ثاني )
ما عليه يمكن هالبوست كان بالعامي وما وفيته حقه لكن من حر مافيني .... مواطن في دولة الكويت اللي تعد من أغنى الدول .. عايش بدون ماي وكهرباء كأني بموزبيق !
حقوقي،
- Posted using BlogPress from my iPhone
هناك 11 تعليقًا:
عزيزي المزدوج
طس عن ديرتنا وهي تعمر.
السلام عليكم
إلى اخوي حقوقي عادي مو مشكلة تصبر كلها يوم واحد يمكن صيانة يمكن شي :) روء بالك
وللآخ اللي فوقي اذا صارت الديرة بسمك ذاك الوقت قول طس للي تبي
تقبلو تحياتي
مشاري السندي
انزين شكو تقولنا احنا ؟
احنا اللي بنردلك الكهربا ؟
سجل أرقام المسؤولين المختصين في هذا الشأن في الوزارة
ووزع هالأرقام على فريجكم
و متى ما انقطعت الكهربا
لعنوا خير خيرهم تلفونات لين ما يردونها
لأن إذا اليوم بتنقطع ساعة ساعتين
ترى باجر فوق الإسبوع إذا بتوا ساكتين عن هالمهازل
وبعز الحر وبرمضان تشماله
مشاري السندي/
لووول يمعود السالفة ماهي صيانة
السالفة سواد وجه :)
بس انا مروء لا تخاف
وخل عنك جهال الجويهل لا ترد عليهم
فارمر/
لوول يا اخوي شفيك معصب
دقيت شدعوة انطرك عاد
ما يعطوني لا حق ولا باطل كالعادة
ولا تخاف انك ما راح تردلي الكهربا :)
بس احاول افضفض شوي
الله يكون بعونك و بعون الأهل
مشكوور يا سامي
الماي توه يرد قبل ساعة تقريبا :)
حياك الله،،
عادي باجر بيقولون خلونا نورد مولدات خربانة بدال الشركات المساهمة
ابو الدستور/
المشكلة ياخوي عندنا ناس من فصيلة غريبة
ما يشبعون ابد!
السلام عليكم
سالفة الكهربا والماي يمكن مثل ما قال اخوي "مشاري السندي" صيانة ،او تقدر تستفسر اكثر عشان تبيّن لهم انه في ناس ملاحظة موضوع الانقطاع وما راح تسكت عنه لانه اذا انت بتسكت وغيرك بيسكت راح يتمادون اكثر واكثر ..
لكن سالفة التبرعات واللي حطيتة بين خطين اخوي محمد -من ان مالها معنى-
اسمح لي اعلق على كلامك اهني واقولك التبرعات هذي لها معنى
اولا: لا ننسى انه بعض هذه الدول اللي قاعد تتبرع لها ديرتنا الحبيبة محتاجة
وهذا نوع من الاكتفاء الذاتي. والتعامل السياسي يكون بهذا الشكل ولازم يكون بهذا الشكل
اعطيك مثال ..صديق لك محتاج شتسوي له تخليه محتاج ولا تساعده ؟؟ اكيد بتساعده
وهذا نفس الشي
ثانيا: على فكرة بعض هذه الدول اللي قاعد نتبرع لها ،في يوم من الايام لما كانت الكويت محتاجة ما قصرت ومدت لنا يد المساعدة..فليش احنا الحين مو عاجبنه الوضع وقاعد نتحلطم !
وبعدين الجملة هذي اللي كل من يكررها من صوب ..(لكن اول سدوا حاجة الشعب صاحب هالفلوس، وثانياً تبرعوا لدول تستاهل مو ناس تعطونهم اليوم وباچر يسبونا !)
انتوا عبالكم انه بالفلوس هذي اللي قاعد تتبرع فيها الكويت اذا ما تبرعت فيها راح تتسنع ديرتنا
لا غلطانين الكويت مو بهالفلوس راح تتسنع شوارعنا ولا راح يسوون محطة كهبرا وماي يديدة ولا راح يسوون مستشفيات يديدة ولا راح يكتمل مشروع جامعة الشدادية ولا راح يسوون هذا كله واكثر ...بالفلوس اللي قاعد تتبرع فيها الكويت
الكويت مو مشكلتها في الفلوس الكويت مشكلتها في ^حسن التدبير^ فقط
يعني شوف مثلا جامعة الشدادية جم سنة (فكرة) ؟!؟ وجم سنة (اقرار المشروع) ؟!؟
تحسب مشكلة تعطيل اتمام المشروع مشكلة فلوس ؟لأ المشكلة اكثر من جذي المشكلة في كيفية تشغيل المخ و حسن التدبير يا عالم !
فلما تقولون "سنعوا الديرة بعدين تبرعوا حق الدول الثانية .."
الكلام هذا مو بالكويت تقولونه ..الكويت دولة غنية ولو تتبرع لاغلب دول العالم راح يظل عندها فلوس الحمدلله
وان شاء الله يتحسن الحال وما نصير من امثال دولة موزنبيق على قولتك يا الحقوقي p:
وانت اللي عليك سوه
حاول انك تشوف شنو سبب انقطاع الكهربا والماي على شارعكم تحديدا
وان شاء الله يكون السبب خير = )
$$ unnormal G!rl $$
انورمال قيرل /
ماشالله p:
شوفي يبا بخصوص سالفة التبرعات
انا عارف ان التبرعات تعتبر شي اساسي في علاقة الدولة بالدول الاخرى
ولكن يفترض - وهالشي مو موجود عندنا- ان تأتي مصلحة الدولة والمواطنين اولا
ثم تأتي هذه المجاملات الدولية
نقطة اخرى مهمة، تقولين المشكلة ماهي بالفلوس صح اتفق وياج
لكن لما يصرح وزيرالخارجية قبل فترة على نية الحكومة بناء مستشفيات ومدارس في البصرة
ويصرح قبل جم يوم على نية الحكومة ايضا استثمار اموال التعويضات في البنية التحتية للعراق
وانا كمواطن اشوف حكومتي تشتغل بكل همة في تعمير دول اخرى
- مع انها دول مو كفو-
واحنا مستشفيات ومدارس وشوارع نفس الاوادم مو لاقين
بهالحالة شقول؟؟؟
وهذا على فكرة مجرد مثال بسيط
حياج الله انورمال :)
إرسال تعليق